Føroyar hava saman við Danmark verið vertir fyri einum hernaðarfundi millum tey fimm Natolondini í Norðurlondum. Talan er um Ísland, Danmark, Noreg, Svøríki og Finnland, sum eru saman í felagsskapinum NORDEFCO, sum er felagsskapurin fyri natolondini í Norðurlondum. Hetta er fyrsti fundur í felagsskapinum, síðani Svøríki og Finnland gjørdust limir í Nato.
Verjumálaráðharrarnir úr øllum norðurlondum vóru við, tó uttan tann norski, sum ikki slapp til landið í gjár, tí at Widerø avlýsti túrin úr Bergin í Vágar.
Ráðharrarnir sum vóru á fundinum, vóru Antti Häkkänen, verjumálaráðharri úr Finnlandi, Pål Jonson, verjumálaráðharri úr Svøríki, Thórdís Kolbrún Reykfjörd Gylfadóttir, uttanríkisráðfrú úr Ísland, Troels Lund Poulsen, verjumálaráðharri úr Danmark, sum eisini er formaður í NORDEFCO, Mininnguaq Kleist, aðalstjóri í grønlendska uttanríkisráðnum, og Høgni Hoydal, uttanríkisráðharri Føroyar.
##med2##
##med3##
##med4##
– Vit hava havt hendan fundin í NORDEFCO í dag og í gjár. Hetta er ein søguligur fundur, hóast felagsskapurin hevur verið til í 15 ár. Tí hetta er fyrstu fundur, síðani Svøríki og Finnland gjørdust limir í Nato, segði Høgni Hoydal, tá hann beyð tíðindafólkum vælkomn um á tíðindafundin, har tey fimm sjálvstøðugu norðurlondini skrivaðu undir eitt semjuskjal, eina visjón fyri samstarv teirra í Nato frameftir, eisini við denti á støðuna í heiminum, og við denti á støðuna í Norðuratlantshavi og í Arktis – og um, hvussu tey fara at samstarva frameftir.
Hetta er fyrstu ferð, at Føroyar eru umboðaðar á slíkum hernaðarligum fundi. Men verður tað til Høgna Hoydal so er tað ikki síðstu ferð, tí ætlanin er eisini sleppa við á fundir hjá Nato í framtíðini, sigur Høgni Hoydal.
Hann vísir á, at føroyski tjóðartrygdarpolitikkurin er til viðgerðar í Løgtinginum í hesum døgum.
– Vit mugu fara í beinleiðis samstarv ið Natolond, og serliga norðurlond, og har samstarva við okkara sivilu stovnum sum Vørn, tyrlum okkara, við okkara nettrygdarætlan, við nýggja radaranum. Á tann hátt arbeiða vit beinleiðis saman við hernaðarligum stovnum og brúka hetta høvið at fáa atgongd til Natofundir, sum vit nú hava brúkt tíð uppá, sigur Høgni Hoydal.
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
##med16##
##med17##