Chelsea vann í gjár heili 6-0 á Everton og setti punktum fyri 33. umfar í Premier League, sum staðfesti at Manchester City nú er stóri favoritturin at vinna meistaraheitið, eftir at bæði Liverpool og Arsenal taptu sínar dystir.
Chelsea hevur havt eitt misjavnt kappingarár, men í gjár fór alt í málið. Cole Palmer skoraði eitt hattrik í fyrra hálvleiki og Nicolas Jackson økti til 4-0. Í seinna hálvleiki var ein margháttlig hending, tá Chelsea fekk brotsspark.
Cole Palmer er fyrstaval, men bæði Nicolas Jackson og Noni Madueke ætlaði sær at taka tað. Tað endaði við, at Nicolas Jackson og Noni Madueke fóru at klandrast á vøllinum og máttu skiljast av liðskiparanum, Thiago Silva.
Tá rokið hevði lagt seg á fyrsta sinni kom Cole Palmer og fór avstað við bóltinum. Tað evldi aftur til eina øsing. Tað endaði við, at Cole Palmer umsetti til mál og Chelsea vann 6-0. Eftir dystin var venjarin, Mauricio Pochettino, alt annað enn nøgdur við hendingina.
- Øll í Chelsea, spælarar, venjarar og leiðsla, vita at Cole Palmer er fyrstaval til brotsspørk. Eg eri illur um støðuna og havi greitt spælarunum frá, hvønn boðskap slíkt sendir eitt mánakvøld, tá alt landið hyggur eftir fótbólti. Eg má biðja fólkið um umbering og hetta er seinastu ferð, at eg góðtaki slíkan atburð, segði Mauricio Pochettino á tíðindafundinum aftaná.
Cole Palmer segði í viðtalu við Sky Sports, at hendingin vísti, at fleiri spælarar vilja taka ábyrgd. Hann ásannaði tó eisini, at hetta var í so nógv av tí góða. Everton er enn tvey stig røttu megin niðurflytingarstrikuna.
1 | Man. City | 32 | 22 | 7 | 3 | 76:32 | 73 |
| 2 | Arsenal | 32 | 22 | 5 | 5 | 75:26 | 71 |
3 | Liverpool | 32 | 21 | 8 | 3 | 72:31 | 71 | |
4 | Aston Villa | 33 | 19 | 6 | 8 | 68:49 | 63 | |
5 | Tottenham | 32 | 18 | 6 | 8 | 65:49 | 60 | |
6 | Newcastle | 32 | 15 | 5 | 12 | 69:52 | 50 | |
7 | Man. Utd | 32 | 15 | 5 | 12 | 47:48 | 50 | |
8 | West Ham | 33 | 13 | 9 | 11 | 52:58 | 48 | |
9 | Chelsea | 31 | 13 | 8 | 10 | 61:52 | 47 | |
10 | Brighton | 32 | 11 | 11 | 10 | 52:50 | 44 | |
11 | Wolves | 32 | 12 | 7 | 13 | 46:51 | 43 | |
12 | Fulham | 33 | 12 | 6 | 15 | 49:51 | 42 | |
13 | Bournemouth | 32 | 11 | 9 | 12 | 47:57 | 42 | |
14 | Crystal Palace | 32 | 8 | 9 | 15 | 37:54 | 33 | |
15 | Brentford | 33 | 8 | 8 | 17 | 47:58 | 32 | |
16 | Everton | 32 | 9 | 8 | 15 | 32:48 | 27 | |
17 | Nottingham F. | 33 | 7 | 9 | 17 | 42:58 | 26 | |
18 | Luton | 33 | 6 | 7 | 20 | 46:70 | 25 | |
19 | Burnley | 33 | 4 | 8 | 21 | 33:68 | 20 | |
20 | Sheffield Utd | 32 | 3 | 7 | 22 | 30:84 | 16 |