Tað var um 21-tíðinda í gjárkvøldið, at løgreglan fekk eina fráboðan av einum gistingarhúsi í Havn.
- Tað vóru fólk, sum ringdu av einum kamari at melda, at harðskapur var inni á kamarinum.
Vaktleiðarin visti í morgun at siga, at tey fóru á staðið og handtóku persónin, sum hevði framt harðskapin.
- Tann, sum varð handtikin, hevði sambært fráboðanini framt harðskap móti tveimum persónum.
Løgreglan tók persónin við sær á støðina, og hesin verður nú skuldsettur.
- Fleiri avhoyringar skulu gerast, og enn er ov tíðliga at siga meira um hendingina á gistingarhúsinum, visti vaktleiðarin at siga í morgun.