Leita á in.fo

Tróndur Arge 05.12.2018 (12:20)

Fróði útgivið jólalag

Fróði Hansen hevur júst latið frá sær eitt staklag, ið kallast Jólasálmur. Lagið er upptikið í Gimme Studio í Skopun.

 

Til ber at síggja og hoyra nýggja staklagið við at trýsta á pílin á myndini

 

Fróði Hansen eigur orð og lag og umframt at syngja, spælir Fróði eisini klaver á lagnum. Petur Háberg hevur staðið fyri upptøkuni, ljóðblandi og spælir bæði gittar og orgul. Bárður Háberg hevur mastrað lagið. Durita Hansen hevur gjørt listarverkið til lagið, ið millum annað er at finna á Spotify og iTunes.

 

Les eisini: Fróði við sáttmála og sangi

 

Fróði hevur í 2018 brúkt nógva tíð í upptøkuhøli, har hann við bólki hevur innspælt sína komandi útgávu, ið kemur at kallast Hola. Upptøkurnar eru lidnar, og ætlanin er, at útgávan, ið inniber átta føroysk løg, kemur út í mai 2019.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her