Leita á in.fo

/ritzau/

Eirikur Lindenskov 14.07.2018 (07:49)

Fyrsta kona Frank Sinatra deyð 101 ára gomul

Nancy Barbato Sinatra, sum var fyrsta konan hjá kenda sangaranum Frank Sinatra, doyði í gjár 101 ára gomul.

 

Tað upplýsir dóttirin, Nancy Sinatra, á Twitter.

 

– Mamma doyði friðarliga 101 ára gomul. Hon var eitt vælsignilsi og ljósið í lívi mínum, skrivar dóttirin.

 

Nancy Barbato Sinatra var ungdómsunnustan hjá Frank Sinatra, og tey giftust í 1939. Tey fingu trý børn, áðrenn tey vórðu skild í 1951.

 

Parið giftist um sama mundið, sum tað fór at ganga so væl hjá Frank Sinatra.

 

Eftir at Frank Sinatra gjørdist víðagitin í 1940 árunum, flutti parið til Los Angeles, har sangarin eisini gjørdist filmsstjørna.

 

/ritzau/AP


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her