Tí er neyðugt at gera nýggja farleið millum býin og Rossagøtuna, tí Rossagøtan verður nógv brúkt dagliga. Umsitingin mælir til, at farleið verður gjørd millum Dánjalstrøð og Rossagøtuna.
Tað sæst í frágreiðingini frá seinasta býráðsfundi í Havn, sum var hósdagin.
Fólk, ið ganga túrar á Rossagøtuni, plaga at koyra niðan á Oyggjarvegin og parkera á økinum vestanfyri omankoyringina til Hotel Føroyar. Men nú arbeitt verður við at gera tunnilsmunnan til Húsareynstunnilin, er ikki samband við Rossagøtuna tann vegin.
##med2##
Mett verður tí, at lagaligasta farleiðin er Dánjalstrøð-Rossagøtan. Gøtan verður gjøgnum nakrar leigutraðir, so lendið í leigumálinum skal tillagast smávegis, skrivar Tórshavnar kommuna í fundarfrágreiðingini frá býráðsfundinum hósdagin.
##med3##
– Ætlanin er ikki, at gøtan kemur inná matr nr 1107 og matr nr 1108, sum Tórshavnar kommuna er í gongd við at selja til bústaðabygging, skrivar kommunan.
Planlagda gøtan verður sostatt umleið 450 m long, og verður kostnaðurin leysliga mett 800.000 krónur.
