Greta Svabo Bech hátíðarhelt 10 ára haldið hjá italsku útgávuni av Rolling Stone Magazine við akkustiskum upptøkum saman við italska bólkinum The Bloody Beetroots.
Hvussu ein electro/dance/house/punk bólkur ljóðar unplugged er ein áhugaverdur spurningur, ið vit fáa svaraðan, tá upptøkurnar í næstum vera tøkar. Fyri Gretu var upplivingin í øllum førum bæði inspirerandi og kul og hon bólkurin var .
Á seinastu útgávuni hjá The Bloody Beetroots átti Greta sangrøddina á lagnum "Chronicles of a Fallen Love", ið tit kunnu hoyra omanfyri. Men í sambandi við upptøkurnar hjá The Rolling Stone Magazine, sang Greta eisini sangin "Glow in the Dark", ið er av somu útgávu.
- Vit spældu fleiri útgávur av sangunum inn, heilt akkustiskt. Eg veit ikki heilt, hvussu teir verða útgivnir, men í øllum førum umvegis netið, sigur Greta, ið eisini veit at siga, at ljóðblandið er í gongd, hóast hon ikki enn kennur endaliga útgávudagin.
Greta, ið áður hevur fingist við tónleik í Onglandi, býr nú í Føroyum og fæst við at innspæla og skriva tónleik undir egnum navni. Men hon er eftir øllum at døma eisini umbiðin í útlandinum.