fyrst og fremst

alt text

Veðrið í dag:

Hiti 7°C

Vindur 9.3m/s

Leita á in.fo

Dagfinn Olsen 14.03.2019 (22:36)

Hal Blaine farin

Trummuleikarin Hal Blaine er deyður, 90 ára gamal.

 

 

Hann var av mest nýttu trummuleikarum í nútímans tónleikinum og var við The Wrecking Crew, ið leikti við á nógvum hit-útgávum í seksti- og sjeytiárunum.

 

 

Blaine leikti á 38 single útgávum, ið náddu ovasta tindin á Billboard Hot 100 í USA. Teirramillum eru Good Vibrations hjá The Beach Boys, Mrs. Robinson hjá Simon & Garfunkel og Strangers in The Night hjá frank Sinatra.

 

 

Hann var eisini maðurin aftanfyri trummurnar á kendum innspælingum, eittnú Be My Baby hjá The Ronettes og Pet Sounds, ið verður mett sum meistaraverk hjá The Beach Boys. Frá 1966 til 1971 spældi hann við á øllum Grammy vinnarum av Record of the Year, og sjálvur fekk Blaine Grammy Lifetime Achievement Award í 2018.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her