fyrst og fremst

alt text

Veðrið í dag:

Hiti 5°C

Vindur 14.7m/s

Leita á in.fo

Danjal av Rana 11.01.2017 (15:56)

Hálka og nógvur vindur um alt landið

 

Hann hevur øtlað vindin allan seinnapartin og sambært veðurtólunum hjá Landsverki er nógvur vindur um alt landið.

 

Ansið tykkum tí, tá tit koyra heim eftir loknan arbeiðsdag.

 

Um Høgareyn er hvassur stormur og í hvirlunum upp í 35 m/s og á Tjørnuvíkarvegnum er stormur og upp í 34 m/s í hvirlunum. Stormur er eisini á Brekkuni Stóru á Sandoy og á Porkerishálsi. Har er upp í ávikavist 32 og 35 m/s í hvirlunum.

 

Á Mykinesi og við Velbastaðsháls er skrið og upp í 30 m/s í hvirlunum.

 

Á Viðareiðisvegnum, á oyggjarvengum við Norðaraskarð og í Skopunar havn er hvassur vindur og upp í ávikavist 30, 32 og 28 m/s.

 

Um Gjáarskarð, á Sundi og í Hvalba er minni vindur, men í hvirlunum upp í 30 m/s.

 

Umframt hetta boðar Landsverk frá, at roknast kann við hálku um Gjáarskarð, á Kambsdali, við Norðskálatunnilin, eystanfyri, á Streymnesi, um Høgareyn, um Sandavágsháls, á Vatnsoyrum, við Norðaraskarð á Oyggjarvegnum, í Kaldbaksbotni, á Sundi og við Velbastaðháls.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her