Hóast valrætt í 102 ár, so hava føroyingar tilsamans bara valt 25 kvinnur á ting. Og bara 14 kvinnur hava sitið í landsstýrinum. 6 kvinnur hava havt sæti á tingi sum eykafólk fyri landsstýrisfólk
Um vit so tók allar kvinnur 25 kvinnurnar, sum eru valdar á ting seinastu 40 árini og allar hinar, sum hava havt fast sæti á tingi seinastu sløku 44 árini, so høvdu tær ikki verið nóg nógvar at fylt tingsalin. Tí tær eru bara 31 í tali, og á Løgtingið eru 33 tingsessir.
Hóast kvinnur hava havt valrætt og kunna stillað upp til løtingsval í 100 ár, so tók tað 60 ár hjá føroyingum at venja seg so væl við tankan um, at kvinnur vórðu valdar í Løgtingið.
Tað hendi á løgtingsvalinum 7. november í 1978, tá Jona Henriksen úr Javnaðarflokkinum og Karin Kjølbro úr Tjóðveldisflokkinum vórðu valdar á ting í Suðurstreymoyar valdømi.
Men Jona Henriksen hevði sitið á tingi valskeiðið frammaundan. Hon stillaði upp til løgtingsvalið í 1974 og fekk næstflestar atkvøður á listanum hjá Javnaðarflokkinum í Suðurstreymoy. Jákup Lindenskov varð afturvaldur, men tá hann helt fram í landsstýrinum, tók Jona Henriksen sæti fyri hann í løgtinginum frá 20. mars í 1975 til løgtingsvalið í 1978.
Fyrsta kvinna, sum hevur møtt á tingi var Malla Samuelsen úr Sjálvstýrisflokkinum, sum kom inn nakrar dagar í 1964 sum eykafólk fyri Marius Johannesen.
Men tað er altso ikki fyrr enn í 1975, at ein kvinna, Jona Henriksen, hevur fast sæti í tingsalinum.
Í 1978 varð løgtingsvallógin broytt soleiðis, at talið av valdømisvaldum tingfólkum verður økt úr 20 upp í 27. Talið á eykamandatum verður samstundis lækkað úr 10 niður í 5. Eftir hetta varð talið av løgtingsfólkum altíð 32. Frammanundan var talið skiftandi. Tá lógin um eitt valdømi kom í gildi í 2008, varð tingfólkatalið hækkað til 33.
Broytingin í 1978 førdi við sær, at 8 valdømisvald fólk skuldi veljast í Suðurstreymoy. Og júst í Suðurstreymoy var møguleikin størstur at fáa kvinnur valdar, tí hetta var fólkaríkasta valdømi.
Og soleiðis var longu í 1978, tá Jona Hendriksen varð vald sum nummar tvey hjá Javnaðarflokkinum og Karin Kjølbro sum nummar tvey hjá Tjóðveldisflokkinum.
Í 1980 røkk Jona Henriksen ikki øðrum plássi, tí tá varð hon yvirhálað av Jóannes Dalsgaard. Jona Henriksen gjørdist nummar trý á listanum, og møtti av og á sum varafólk. Karin Kjølbro var einsamøll kvinna á tingi frá 1984 til 1988.
Á løgtingsvalinum í 1988 verður Karin Kjølbro afturvald. Hesaferð hevur Tjóðveldisflokkurin tvær kvinnur í fremstu røð, tí á fyrsta plássið verður Jóngerð Purkhús vald. Og tá verður eisini Marita Petersen úr Javnaðarflokkinum vald. Tí eru tríggjar kvinnur í løgtinginum valskeiðið frá 1988 til 1990. Karin Kjølbro gavst í politikki í 1990 og stillaði ikki uppaftur.
Á valinum í 1990 verða tríggjar kvinnur valdar: Lisbeth L. Petersen, Marita Petersen og Helena Dam á Neystabø, allar úr Suðurstreymoyar valdømi.
Í 1994 verða umframt tær tríggjar, sum vórðu valdar í 1990, eisini valdar Ingeborg Vinther fyri Verkamannafylkingina. Hon er vald í Suðuroy og Maria Hansen í Vestmanna. Nú eru fyri fyrstu ferð kvinnur valdar uttan fyri Suðurstreym.
Í 1998 minkar talið aftur niður á tríggjar kvinnur, sum allar eru valdar í Suðurstreymoy: Annita á Fríðriksmørk, Lisbeth L. Petersen og Katrin Dahl Jakobsen.
Í 2002 verða aftur fýra kvinnur valdar – allar úr Suðurstreymoy: Annita á Fríðriksmørk, Kristina Háfoss, Katrin Dahl Jacobsen og Lisbeth L. Petersen.
Í 2004 minkar talið niður á tríggjar: Lisbeth L. Petersen, Heidi Petersen, vald í Norðstreymoy, og Annita á Fríðriksmørk.
Eftir at Føroyar gjørdist eitt valdømi í 2008 fingu kvinnur frægari atgongd til løgtingið, tí tá varð talið av kvinnu meira enn tvífaldað til sjey kvinnur: Katrin Dahl Jacobsen, Annika Olsen, Annita á Fríðriksmrøk, Helnda Dam á Neystabø, Rósa Samuelsen, Bjørt Samuelsen og Bergtóra Høgnadóttir.
Í 2011 øktist kvinnuumboðanin aftur. Tá vóru 10 kvinnur valdar: Annika Olsen, Elsebeth M. Gunnleygsdóttur, Rósa Samuelsen, Edva Jacobsen, Rigmor Dam, Eyðgunn Samuelsen, Kristina Háfoss, Bjørt Sameulsen, Gunvør Balle og Sirið Stenberg.
Á seinasta løgtingsvali, sum var 1. september í 2015 vóru aftur 10 kvinnur valdar: Annika Olsen, Elsebeth Mercedis Gunnleygsdóttur, Sonja Jógvansdóttir, Eyðgunn Samuelsen, Rigmor Dam, Sirið Stenberg, Kristina Háfoss, Annita á Fríðriksmørk, Katrin Kallsberg og Hanna Jensen.
Kvinnur á tingi í bókstavarøð:
1 Annika Olsen 2008-
2 Annita á Fríðriksmørk 1998-2011 og 2015-
3 Bergtóra Høgnadóttir 2008-2011
4 Bjørt Samuelsen 2008-2015
5 Edva Jacobsen 2011-2015
6 Elsebeth Mercedis Gunnleygsdóttur 2011-
7 Eyðgunn Samuelsen 2011-
8 Gunvør Balle 2011-2015
9 Hanna Jensen 2015-
10 Heidi Petersen 2004-2008
11 Helena Dam á Neystabø 1990-2002 og 2008-2011
12 Ingeborg Vinther 1994-1998
13 Jona Henriksen 1978-1980
14 Jóngerð Purkhus 1988-90
15 Karin Kjølbro 1978-1990
16 Katrin Dahl Jakobsen 1998-2004 og 2008-2011
17 Katrin Kallsberg 2015-
18 Kristina Háfoss 2002-2004 og 2011-
19 Listbeth L. Petersen 1990-2008
20 Maria Hansen 1994-1998
21 Marita Petersen 1988-1998
22 Rigmor Dam 2011-
23 Rósa Samuelsen 2008-2011
24 Sirið Stenberg 2011-
25 Sonja Jógvansdóttir 2015ø
26 Eykafólk: Hildur Patursson 1993-94
27 Eykafólk: Jóna Mortensen 2011-2015
28 Eykafólk: Kristianna Winther Poulsen 2013 og 2015-
29 Eykafólk: Óluva Klettskarð 2015-
30 Eykafólk: Rúna Sivertsen 1998-2004
31 Eykafólk: Ruth Vang 2015-
Føroya Landsstýri 15. september 2015
4 kvinnur:
Rigmor Dam
Eyðgunn Samuelsen
Kristina Háfoss
Sirið Stenberg
Føroya Landsstýri 14. november 2011 -15.september 2015
2 kvinnur:
Annika Olsen
Rósa Samuelsen
Føroya Landsstýri 26. september 2008 - 14. november 2011
3 kvinnur:
Helena Dam á Neystabø, lstk. jv. - mentamál
Annika Olsen, lstk. ff. - innlendismál
Rósa Samuelsen, lstk. sa. - í almannamál
Føroya Landsstýri 4. februar 2008 - 26. september 2008
3 kvinnur:
Helena Dam á Neystabø, lstk. jv. - løgmál
Kristina Háfoss, lstk. tj. - mentamál
- frá 30. august 2008: Óluva Klettskarð
Bjørt Samuelsen, lstk. tj. - vinnumál
Føroya Landsstýri 3. februar 2004 - 4. februar 2008
0 kvinnur
Føroya Landsstýri 6. juni 2002 - 3. februar 2004
1 kvinna:
Annlis Bjarkhamar
- frá 17. september 2003: Annita á Fríðriksmørk
Føroya Landsstýri 15. mai 1998 - 6. juni 2002
1 kvinna:
Helena Dam á Neystabø, lstm., sj. - almanna- og heilsumál
Føroya Landsstýri 11. juni 1996 - 15. mai 1998
0 kvinnur
Føroya Landsstýri 10. september 1994 – 11. juni 1996
0 kvinnur
Føroya Landsstýri 24. apríl 1993 - 10. sept. 1994
1 kvinna:
Marita Petersen, løgm., jv. - Uttanlandsmál og løgmál
Føroya Landsstýri 15. jan. 1991 - 24. apr. 1993
1 kvinna:
Marita Petersen, lstm., jv. - Mentanar-, skúla- og løgmál
Føroya Landsstýri 22. juni 1989 - 15. jan. 1991
1 kvinna:
Jóngerð Purkhús, lstm., tj. - Búskapar-, samferðslu-, og norðurlandamál
Føroya Landsstýri 18. jan. 1989 - 22. jun. 1989
0 kvinnur
Føroya Landsstýri 5. apr. 1988 - 18. jan. 1989
2 kvinnur:
Karolina Petersen, lstm., fr. - Almanna- og kommunumál
Jóngerð Purkhús, lstm., tj. - Fíggjar-, búskapar- og umhvørvismál
Føroya Landsstýri 10. jan. 1985 - 5. apr. 1988
1 kvinna:
Jóngerð Purkhús, lstm., tj. - Fíggjar-, búskapar- og umhvørvismál
Føroya Landsstýri 5. jan. 1981 - 10. jan. 1985
0 kvinnur
Føroya Landsstýri 23. jan. 1979 - 5. jan. 1981
0 kvinnur
Føroya Landsstýri 11. jan. 1975 - 23. jan. 1979
0 kvinnur
Føroya Landsstýri 12. des. 1970 - 11. jan. 1975
0 kvinnur
Føroya Landsstýri 19. nov. 1968 - 12. des. 1970
0 kvinnur
Føroya Landsstýri 12. jan. 1967 - 19. nov. 1968
0 kvinnur
Føroya Landsstýri 4. jan. 1963 - 12. jan. 1967
0 kvinnur
Føroya Landsstýri 9. jan 1959 - 4. jan. 1963
0 kvinnur
Føroya Landsstýri 18. des. 1954 - 9. jan. 1959
0 kvinnur
Føroya Landsstýri 15. des. 1950 - 18. des. 1954
0 kvinnur
Føroya Landsstýri 12. mai 1948 - 15. des. 1950
0 kvinnur
Kvinnur í landsstýrinum í bókstavarøð:
1 Annika Olsen
2 Annita á Fríðriksmørk
3 Annlis Bjarkhamar
4 Bjørt Samuelsen
5 Eyðgunn Samuelsen
6 Helena Dam á Neystabø
7 Jóngerð Purkhús
8 Karolina Petersen
9 Kristina Háfoss
10 Marita Petersen
11 Óluva Klettskarð
12 Rigmor Dam
13 Rósa Samuelsen
14 Sirið Stenberg
