fyrst og fremst

alt text

Veðrið í dag:

Hiti 8°C

Vindur 8.4m/s

Leita á in.fo

Sosialurin kundi í september mánaði vísa, at tað stendur »maki 1« og »maki 2« á nýggju vígslubrøvunum

Eyðun Klakstein 08.11.2018 (06:29)

Í dag skal Sirið svara um »maka 1« og »maka 2«

Í dag fer Sirið Stenberg, landsstýriskvinna, at svara fyrispurningi frá løgtingsmanninum Jógvani á Lakjuni, sum spurdi hana um nýggju vígslubrøvini, ið eru gjørd, eftir at hjúnabandslógini var broytt.

Jógvan á Lakjuni spurdi millum annað, um tað er rætt, at í staðin fyri »kvinna« og »maður« nú stendur »maki 1« og »maki 2« á vígslubrøvunum. Jógvan á Lakjuni vil eisini hava at vita, hví vígslubrævið skal gerast kynsneutralt, tá ið tey flestu, sum gifta seg, eru maður og kvinna.

Høgni Hoydal fer at svara fyrispurningi frá Óluvu Klettskarð, løgtingskvinnu, um fiskivinnuna í Norðoyggjum.
Trý mál fáa fyrstu viðgerð. Tað eru uppskot um Bústaðabanka, broyting í tinglýsingaravgjaldi og uppskot um broyting í ferðslulógini. 

Løgtingsfundurin í dag byrjar kl. 10:00.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her