fyrst og fremst

alt text

Veðrið í dag:

Hiti 4°C

Vindur 4.9m/s

Leita á in.fo

Fólk í Nuugaatsiaq eru i nátt flutt burtur úr bygdini (Mynd: Sermitsiaq)

Eyðun Klakstein 18.06.2017 (10:13)

Jarðskjálvti og vatnflóð í Grønlandi

Ein jarðskjálvti rakti í gjárkvøldið vestara part av Grønlandi. Miðdepilin fyri skjálvtan, sum var máldur til 4,0 í styrki, var 30 kilometrar norðan fyri bygdina Nuugaatsiaq.


Jarðskjálvtin hevði við sær vatnflóð í Nuugaatsiaq og stórar aldur í Uummannaq og Illorsuit. Myndugleikarnir siga, at jarðskjálvtin er orsøk til vatnflóðina.

Sløk hundrað fólk búgva í Nuugaatsiaq, og tey vórðu í nátt flutt burtur úr býnum – í stóran mun til Uummannaq, har tað búgva umleið 1200 fólk.

Løgreglan boðar frá, at tað er vanda fyri onkrum minni eftirskjálvta, og fólk í økinum verða biðin um at halda seg burtur frá strandaøki komandi tímarnar.

Enn er ikki greitt, hvussu stóran skaða jarðskjálvtin og vatnflóðin hava gjørt.


 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her