Hevði talan verið um at manna almennar nevndir, so hevði tað verið í lagi við uppstillingini hjá teimum fimm flokkunum, sum stilla upp til býráðsvalið í Havn.
Valevnini eru 73 í tali, 33 kvinnur og 40 menn. Tað vísir eitt lutfall upp á 45% kvinnur og 55% menn. Almennu reglurnar, tá almennar nevndir og ráð skulu mannast er, at býtið ikki fer út um 40/60.
Hyggja vit eftir einstøku flokkunum, so stendur væl til hjá teimum fýra flokkunum, Javnaðarflokkinu, Tjóðveldi, Framsókn og Fólkaflokkinum. Sambandsflokkurin er tann einasti, sum ikki livir upp til 40/60-regluna.
Tað skal viðmerkjast, at tað er einki krav um javnstøðu á uppstillingarlistum!
Býtið millum kynini hjá einstøku flokkunum er soleiðis:
Fólkaflokkurin:
6 kvinnur 40%
9 menn 60%
Sambandsflokkurin:
3 kvinnur 25%
9 menn 75%
Javnaðarflokkurin:
8 kvinnur 50%
8 menn 50%
Tjóðveldi
8 kvinnur 47%
9 menn 53%
Framsókn
7 kvinnur 58%
5 menn 42%
Framsókn er einasti flokkur, ið stillar upp fleiri kvinnur enn menn.
Á uttanflokkalista er eitt valevni, Anna Margreta Otthamar.
Hóast samlaða býtið millum kvinnur og menn á valevnislistunum er rættiliga javnt, so er býtið av kvinnum og monnum, sum vórðu vald í býráðið seinast eitt sindur javnari. Tá vórðu valdar 6 kvinnur og 7 menn. Tað eru 46% kvinnur og 54% menn.
