Leita á in.fo

Pætur Hjalmar Evensson 15.03.2019 (23:30)

Joanita syngur á sínum móðurmáli

Joanita Zachariassen hevur nú givið staklagið Mpola Tonight út, sum er ein endurtulking av einum lagi, sum hon fyrr hevur givið út. Navnframi danski framleiðarin Chief 1 hevur framleitt lagið.

 

- Íblásturin til sangin kemur frá mátanum eg síggi lívið uppá, og hvussu sambondini millum menniskju og pør onkuntíð eru. Hetta er ein sangur við sera positivum vibe. Sangurin er á luganda, og eg elski at úttrykkja meg á mínum móðurmáli, sigur Joanita Zachariassen.

 

Nýtt videolag er eisini gjørt, og tað sæst her:

 

Joanita Zachariassen er upprunaliga úr Uganda, men flutti til Danmarkar sum smágenta. Í Danmark møtti hon fyri sjey árum síðani føroyska Daniel Zachariassen, sum hon í dag er gift við. Hennara tónleikur hevur verið nógv spældur í Føroyum seinastu árini, og í fjør vann hon donsku sjónvarpskappingina LIVE!.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her