fyrst og fremst

alt text

Veðrið í dag:

Hiti 9°C

Vindur 19.8m/s

Leita á in.fo

Leiðarin í Nánd, Kristina Toftegaard Larsen (h.m.) bjóðar nýggja deildarleiðaranum í Gøtubrá vælkomnari.

Vilmund Jacobsen 09.10.2018 (00:06)

Jónhild er nú deildarleiðari í Gøtubrá

Eldrasambýlið Gøtubrá í Norðragøtu hevur fingið nýggjan deildarleiðara. Tað er Jónhild Abrahamsen, dóttir Edmund og Elspu Abrahamsen í Fuglafirði, sum er sett í hetta leiðarastarv.

 

Umframt at vera bankalærd, hevur Jónhild Abrahamsen eisini nomið sær útbúgving sum sosialráðgevi, og hon hevur eisini eina masterútbúgving í almennari leiðslu.

 

Jónhild Abrahamsen hevur arbeiðsroyndir sum sosialráðgevi og familjuráðgevi og hevur 10 ára leiðsluroyndir innan umsorganarøkið, eitt nú sum leiðari á stovni fyri fjølbrekað.

 

Nánd, sum er eldrasamstarvið millum Eysturkommunu og Fuglafjarðar kommunu, bjóðar Jónhild Abrahamsen hjartaliga vælkomnari í starvið, samstundis sum henni verður ynskt blíðan byrð í arbeiðnum.

 

 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her