fyrst og fremst

alt text

Veðrið í dag:

Hiti 8°C

Vindur 7.8m/s

Leita á in.fo

Eirikur Lindenskov 11.01.2017 (07:16)

Katrin Holm forkvinna í Eldraráðnum í Havn

Eldraráðið í Tórshavnar kommunu hevur nú skipað seg.

 

Á valinum 18. oktober 2016 var Katrin Holm greitt fyrstvalda, og tað er eisini hon, sum á fundi í nýggja eldraráðnum varð vald til forkvinnu.

 

Sum næstforkvinna varð vald Eydna Háberg. Julianna Klett verður skrivari og Petur Rouch kassameistari. Fimti ráðslimurin er Helgi Hansen. Hesi trý síðstnevndu eru øll nývald.

 

Eldraráðið hevur til endamáls at ráðgeva býráðnum um øll viðurskifti, ið hava ella kunnu hava ávirkan á eldru borgararnar í kommununi. Býráðið skal eisini leggja slík viðurskifti fyri Eldraráðið til hoyringar, áðrenn týðandi avgerðir verða tiknar, og Eldraráðið kann eisini sjálvt taka upp viðurskifti ella mál, ið kunnu ávirka tey eldru.