Klokkan 17.45 verður síðsti almenni fótbóltsdysturin í Føroyum í 2023. Tað er KÍ, sum í Europa Conference League eigur heimavøll ímóti Slovan Bratislava. Hetta var fyrsta mótstøðuliðið í Europa Conference League bólkaspælinum, og tá endaði tað við, at KÍ tapti 2-1. Fýra minuttir eftir steðgin legði Deni Pavlovic KÍ á odda, men so skoraði heimaliðið tvær ferðir.
Hóast Slovan Bratislava sambært veddingarfeløgum er favorittur, so siga tølini, at KÍ síðstu árini hevur staðið seg væl á heimavølli, tá ið setningurin hevur verið altjóða uppgávur.
Níggju tær seinastu ferðirnar er KÍ farið av heimavøllinum uttan tap.
Síðsta tapið var 15. juli í 2021, tá ið Riga FS í Klaksvík vann 3-2. Tá ið KÍ hevði vunnið við somu tølum á útivølli, var tað neyðugt við longdari leiktíð, og tá skoraði Riga FS og vann seg víðari í kappingini.
Síðani tá hevur KÍ á heimavølli vunnið fimm dystir, og fýra ferðir er tað endað javnt.
Málið hjá Magna Hoseth og hansara monnum er at skriva enn eitt met, sum tað verður, um tað eydnast KÍ at vinna seg víðari úr bólkaspælinum.
KÍ hevur framvegis møguleika at vinna næstfremsta plássið. Fyrsta treytin fyri at røkka tí bragdinum er, at tað í kvøld eydnast at vinna fulla úrtøku ímóti Slovan Bratislava.
-
Tað var eftir finalusigurin í kappingini um løgmanssteypið í 2016, at KÍ aftur var partur av europeisku kappingunum.
At tað bar til ímóti favorittum sást, tá ið svenska AIK Solna í 2017 var gestur á ovara vølli í Gundadali, og tað endaði málleyst.
Fyrsta stóra úrslitið var tað, tá ið KÍ 24. september í 2019 tók altjóða fótbóltsheimin á bóli við at vinna 6-1 á Tórsvølli ímóti georgiska Dinamo Tbilsi.
KÍ – Slovan Bratislava: Kristo Tohver úr Estlandi kl. 17.45
30 11 2023 | KÍ – Slovan Bratislava | COF | |
26 10 2023 | KÍ – NK Olympija Ljubljana | 3 0 | COF |
05 10 2023 | KÍ – Lille | 0 0 | COF |
24 08 2023 | KÍ – Sheriff Tiraspol | 1 1 | EL |
08 08 2023 | KÍ – Molde FK | 2 1 | CL |
26 07 2023 | KÍ – BK Häcken | 0 0 | CL |
11 07 2023 | KÍ – Ferencvaros | 0 0 | CL |
11 08 2022 | KÍ – Ballkani | 2 1 B | COF |
13 07 2022 | KÍ – Bodø/Glimt | 3 1 | CL |
27 07 2022 | KÍ – FK Sutjeska | 1 0 | COF |
15 07 2021 | KÍ – Riga FS | 2 4 L | COF |
21 08 2020 | KÍ – Slovan Bratislava | 3 0 U | CL |
24 09 2019 | KÍ – Dinamo Tbilsi | 6 1 | EL |
01 08 2019 | KÍ – Luzern | 0 1 | EL |
16 07 2019 | KÍ – FK Riteriai | 0 0 | EL |
27 06 2019 | KÍ – Tre Fiori | 5 1 | EL |
11 07 2018 | KÍ – Zalgiris | 1 2 | EL |
05 07 2018 | KÍ – Birkirkara | 2 1 | EL |
29 06 2017 | KÍ – AIK Solna | 0 0 | EL |