Leita á in.fo

Jóannes Hansen 24.09.2017 (19:06)

Klæmint spældi við fýrverk

Fleiri av úrslitunum í dag vóru ógvuliga óvæntað og harvið merkisverd. Suðringar vunnu á toppliðnum Víkingi, og 07 Vestur vann á B36, sum undan hesum umfarinum var næstfremst.

At Skála vann 2-1 við Margáir, og at tað endaði málleyst millum KÍ og HB var innanfyri tað, sum tað varð roknað við.

 

NSÍ var stórfavorittur á útivølli ímóti longu niðurflutta ÍF, og í Fuglafirði gekk tað soleiðis, sum tað varð roknað við.

NSÍ vann 2-0. Framrættaði Pól Jóhannus Justinussen, sum í vikuni skrivaði undir nýggjar tvey ára sáttmála við NSÍ, var tvífaldur málskjútti. Hann legði eftir innlegg og við stútara NSÍ framum longu í fjórða minutti, og hann økti til 2-0, tá ið tað restaði ein hálvur tími. Tað var enn einaferð eftir innlegg.

-Tað var góð kensla aftur at vinna, tí hetta var fyrsti sigurin hjá okkum, síðani vit vunnu steypafinaluna. Vit høvdu fleiri góðar møguleikar, og á einum góðum degi kundi eg sjálvur havt skorað eini trý mál, sigur NSÍ liðformaðurin Klæmint A. Olsen.

 

Sigurin ber við sær, at NSÍ er á fjórða plássi við 40 stigum. Tað eru fýra stig fram til B36, ið er á bronsuplássinum, og trý stig aftur til HB, sum er á fimta plássi. 

 

KÍ-HB 0-0

Víkingur-Suðringar 2-3 (1-0)

 

ÍF-NSÍ 0-2 (0-1)

0-1: Pól Jóhannus Justinussen

0-2: pól Jóhannus Justinussen

 

Víkingur-Suðginar 2-3 (1-0)

1-0: Adeshina Lawal

1-1: Salmundur Bech

1-2: Stefan Radosavlevic

2-2: Hanus Jacobsen

2-3: Stefan Radosavlevic

 

EB/Streymur-Skála 1-2 (0-2)

0-1: Michal Przybylski

0-2: Michal Przybylski

1-2: Leif Niclasen

 

07 Vestur-B36 4-3 (3-2)

1-0: John Fredriksen

1-1: Benjamin Heinesen

2-1: Holgar Durhuus

2-2: Erlendur Magnusson

3-2: John Fredriksen

3-3: Meinhard E. Olsen

4-3: John Fredriksen

 

Støðan eftir 24 umfør

Víkingur 49

KÍ 45

B36 44 

NSÍ 40

HB 37

Skála 29

Suðringar 28

EB/Streymur 26

07 Vestur 22

ÍF 9

 

25. umfar

Sunnudagin fyrsta oktober

ÍF-Víkingur

Skála-B36

07 Vestur-NSÍ

HB-EB/Streymur

Suðringar-KÍ


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her