Leita á in.fo

Eirikur Lindenskov 09.01.2019 (08:23)

Kona norskan ríkmann rænd í 74 dagar

Kona norska milliardingin, Tom Hagen, Anne-Elisaheth Flakevik Hagen, hevur verið horvin í 74 dagar. Løgreglan hevur í loyndum kannað fólkarán. Loysigjald verður kravt í kryptovaluta.

 

Ein norsk kvinna, sum er gift við einum av ríkastu monnum í Noreg, hevur verið burtur í tíggju vikur, og settar fram eru álvarsamar hóttanir og krav um loysigjald í kryptovaluta. Tað skrivar Aftenposten.

 

Løgreglan hevur kanna málið í loyndum, skrivar blaðið.

 

Kvinnan skal vera vorðin burturflutt úr heimi sínum í Lørenskog.

 

68 ára gamla Anne-Elisabeth Falkevik Hagen hevur verið horvin í 74 dagar, skrivar Aftenposten. Hon er gift Tom Hgen, sum er nummar 172 á listanum hjá Kaiptal yvir ríkastu fólk í Noreg. Ognir hansara verða mettar at vera verdar 1,3 milliardir krónur.

 

Pengarnar hevur hann forvunnið fyrst og fremst við ognum og sølu av streymi.

 

Norsk løgregla hevur boðað frá tíðindafundi í morgun klokkan 10 okkara tíð um fólkaránið.

 

Sambært Aftenposten hevur tað verið avmarkað við samskiftið við persónar »í hinum endanum«, sum hevur verið í talgildum formi.

 

Norska løgreglan sigur, at málið er eindømi í landinum. Tað hevur ongantíð fyrr verið sett krav um loysigjald útgoldið í kryptovaluta.

 

Kriminaltøkningar hava brútk fleiri hundrað tímar í heiminum hjá hjúnunum fyri at leita eftir próvtilfari og dna-sporum.

 

Tom Hagen hevur ynskt ikki at viðmerkja málið fyrr enn á tíðindafundinum í dag.

 

/ritzau/


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her