Ein bilførari, sum í morgun kom koyrandi niðan eftir Jóanesar Paturssonargøtu, snaraði ikki av uppi við Vesturkirkjuna.
Tá vegurin fer til vinstru, tók bilførarin ikki svingið, men helt bara beina leið fram.
- Bilurin endaði í bønum og síðan í einari á, visti løgreglan at siga fyrrapartin.
Løgreglan sigur, at bilførarin var einsamallur í bilinum, men eftir øllum at døma slapp hann tíbetur væl frá hendingini.
- Vit vita ikki, hví óhappið hendi, men málið verður kannað, legði vaktleiðarin aftrat í morgun.
