Leita á in.fo

Vilmund Jacobsen 10.07.2018 (18:56)

Kristina við nýggjum klædnahandli

Í dag læt klædnahandilin Stina upp við Norðskála, og tað er Kristina Glyvradal, sum eigur og rekur handilin.

 

- Stina er nýtt, føroyskt klædnamerki til kvinnur, har øll vøran er framleidd í Føroyum og hondgjørd við kærleika. Handilin er í hugnaligum hølum á Mýrivegi 14 við Norðskála.

 

Í Sunda kommunu vita tey í dag at siga, at vøran, sum Stina selur, er sjáldsom á tann hátt, at tað mesta verður framleitt í lutfalsliga smáum mongdum, og tískil kann vøran verða serstøk fyri keyparan.

 

Umframt vøruna, sum er at fáa í handlinum, er eisini møguligt at bíleggja pløgg eftir ynski. Lagt verður aftrat, at fitt av fólki var á gátt, tá nýggi handilin við Norðskála læt upp í dag.

 

 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her