Nú Heðin Mortensen hevur lagt býráðssessin í Havn frá sær, so verður yvirvágin av kvinnum enn størri í Tórshavnar býráð, tí nú sita kvinnurnar á 69 prosentum av býráðssessunum.
Á býráðsvalinum 8. november í 2016 vóru 8 kvinnur valdar í Tórshavnar býráð. 4 fyri Javnaðarflokkin, 3 fyri Tjóðveldi, 1 fyri Fólkaflokkin og 1 fyri Framsókn.
Nú Heðin Mortensen hevur lagt sessin frá sær fyribils, kemur enn ein kvinna í býráðið, Bjørg Dam fyri Javnaðarflokkin. Tað merkir, at nú eru 9 kvinnur í Tórshavnar býráð og 4 mans.
Tilsamans fingu kvinnurnar, sum nú sita í býráðnum, 2.530 atkvøður. Menninir, sum nú sita, fingu tilsamans 1762 atkvøður. Heðin Mortensen fekk einsamallur 2.506 atkøvður – ella við øðrum orðum 24 atkvøður færri enn allar hesar 9 kvinnurnar til samans og nógvar fleiri enn menninir.