fyrst og fremst

alt text

Veðrið í dag:

Hiti 12°C

Vindur 5.1m/s

Leita á in.fo

Jóannes Hansen 12.08.2017 (13:37)

Lagnuløta verður á Dungasandi

Vit eru greiðir yvir, at talan er um lyklauppgerð og so nevndan seks stiga dyst.

Tað staðfestir 07 Vestur venjarin Trygvi Mortensen undan avbjóðingini á heimavølli ímóti EB/Streymi.

-Vit eru undir strikuni, og vit eru noyddir at stríðast og spæla fyri at vinna okkum longri upp á talvuna. Burtursæð frá í fyrsta dystinum eftir summarfrítíðina, tá ið vit taptu stórt ímóti NSÍ, hava spælararnir víst góðan hugburð, og vit kenna okkum vera fyrireikaðar og fokuseraðar at taka ímóti EB/Streymi seinnapartin. 1-0 sigurin á Skála kendist søtur. Ikki minst tí vit megnaðu at halda tørn um leiðsluna, hóast vit í 35 minuttir vóru undirmannaðir, sigur 07 Vestur venjarin Trygvi Mortensen.

Gunleif Magnusarson er framvegis skaddur, og Sølvu Egilsson er leikbannaður eftir reyða kortið á Skála.

 

EB/Streymur er leyst av spurninginum um niðurflyting. Tað eru sjey stig aftur til 07 Vestur, og síðani summarfrítíðina hevur úrtøkan verið framúr – sigrar á HB og KÍ og javnleikur á Skála. Um tað eydnast at vinna úrtøku í Sørvági í dag, so verður lok lagt á alt tos um, at tað kann vera, at steðgurin í bestu deildini bara verður eitt ár.

-Fótbóltur snýr seg nógv um sjálvsálit. Í løtuni gongur tað rætta vegin hjá okkum, og nú ræður um at ríða á aldukambinum, sigur Arnbjørn Hansen hjá EB/Streymi. Hann er skiftur inn á liðið tríggjar tær seinastu ferðirnar, og hann hevur átt avgerandi leiklut í øllum trimum dystunum, tí hann hevur skorað fýra mál, sigur Arnbjørn Hansen.

EB/Streyma venjarin Heðin Askham hevur allar sínar menn tøkar.

 

07 Vestur-EB/Streymur: Jóhann Ingi Jónsson úr Íslandi klokkan 17.00.