fyrst og fremst

alt text

Veðrið í dag:

Hiti 10°C

Vindur 14.6m/s

Leita á in.fo

Áki Bertholdsen 12.01.2018 (16:00)

Landssjúkrahúsið sleppur næstan undan

Hóast sjúkrarøktarfrøðingarnir eru nógv tann størsti starvsbólkurin á Landssjúkrahúsinum, fer samhugaverkfallið, sum verður mánadagin ikki at merkjast nakað serligt á sjúkrahúsinum.

 

Fyrr í dag boðaðu 21 fakfeløg frá, at tey fara í eitt 24 tíma samhugaverkfall mánadagin við tí endamálið at vísa sín samhuga við Pedagogfelagnum, sum nú hevur verið í verkfalli í ein góðan mánað.

 

Eitt av teimum starvsbólkunum, sum fara í samhugaverkfall, eru Sjúkrarøktarfrøðingarnir. Men tað eru nevniliga bara sjúkrarøktarfrøðingar, sum eru í starvi hjá Almannaverkinum, sum fara í samhugaverkfall og teir, sum arbeiða í heilsuverkinum, fara til arbeiðis sum vant.

 

Annars fara bioanalytikararnir, fysioterapeutarnir og ljósmøðurnar í verkfall, men har tað verður neyðugt, verða viðgerðir og kanningar útsettar og Jóanis Erik Køtlum, stjóri, sigur, at samstundis fara tey at biðja um undantak til bráðneyðugt arbeiði á føðideildini.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her