Leita á in.fo

Eirikur Lindenskov 12.02.2019 (11:05)

Legendariskur enskur fótbóltsmálmaður deyður

Enska fótbóltslegendan Gordon Banks er deyður 81 ára gamal skrivar BBC.

 

Banks var málmaður á enska landsliðnum,s um vann HM á heimavølli í 1966, sum enn er einasta heimsmeistaraheitið á landsliðisstøði.

 

– Tað er við sorg, at vit boða frá, at Gordon er farin, upplýsir famlija hansara.

 

Gordon Banks spældi tilsamans 73 landsdystir, áðrenn hann gavst við fótbólti á hægsta stigi í 1973.

 

Trý ár fyri tað gjørdist hann enn kendari, tá hann bjargaði einum skallara frá Pelé í HM-dystinum millum Ongland og Brasilia.

 

Bjarginin er lýst sum tann besta nakrantíð.

 

Gordon Banks byrjaði professionellu yrkisleiðina í aChesterfield, áðrenn hann í 1959 skifti til Leicester.

 

Her gjørdi hann vart við seg sum málmann á besta stigi, og tað var sum Leicester-málmaður, at hann í 1963 fekk sín fyrsta landsdyst.

 

Fýra ár seinni skrivaði hann sáttmála við Stoke, sum hann umboðaði næstu seks kappingarárini.

 

Hann var við at vinna Liga Cup tævr ferðir. Við Leicester í 1964 og við Stoke átta ár seinni.

 

Hann misti sjónina í øðrum eyganum í eini ferðsluvanlukku í 1972, sum gjørdi, at hann mátti gevast við professionellu yrkisleiðini ta summarið.

 

Fýra ár seinni gjørdi hann eitt stutt comeback fyri Fort Lauderdale Strikers í amerikonsku kappingini, áðrenn hann legði handskarnar frá sær fyri seinastu ferð.

 

Tá virkna yrkisleiðin var farin afturum, royndi Banks seg sum managari í hálvprofessiónella felagnum Telford United, men varð koyrdur í desember í 1980.

 

Trýst á pílin á myndini fyri at síggja gitnu bjargingina.

 

/ritzau/


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her