fyrst og fremst

alt text

Veðrið í dag:

Hiti 9°C

Vindur 18.4m/s

Leita á in.fo

Eirikur Lindenskov 05.10.2018 (09:17)

Lena syngur um sakn á nýggjum staklagi

Í dag gevur Lena Anderssen út nýtt staklag, sum kallast “To Be With You Again”.

 

Hetta er fyrstu ferð – burtursæð frá einum jólasangi í 2012 – at Lena gevur út einstakt lag, ið ikki er tengt at eini fløguútgávu. Sjálv er hon í holt við nýggja útgávu, og tá komandi útgávan varð tikin upp við legendariska Beatles upptøkumanninum Geoff Emerick handan knøttarnar í mars mánað í ár, var lagið “To Be With You Again” ikki teirra millum, hóast tað upprunaliga var upp á tal.

 

Lena kundi tó ikki sleppa “To Be With You Again” og í summar varð ein vika sett av at innspæla sangin. Talan er um eina klaver balladu og er tað Finnur Hansen, ið spælir klaverið, meðan Niclas Johannesen spælir kassaguitar og Karl Martin Samuelsen syngur kórrøddir. Haraftrat eru 32 strúkararnir eru innspældir í Makedonia.

 

Sjálv sigur Lena um lagið: “To Be With You Again hevur nógv at siga fyri meg. Sangurin er eitt slag av hugleiðing um lívið og hesa grundleggjandi kensluna av longsli, ið vitjar okkum øll nú og tá. Hesin sári saknurin, ið fær teg at ynskja, at til bar at fara aftur til eitt ávíst stað, eitt ávíst menniskja ella kanska eina ávísa løtu. Tann farna leiðin, sum tú ikki kennir veruliga virði á, fyrr enn hon er júst tað – farin.

Lena Anderssen og hennara bólkur spæla somuleiðis fýra konsertir í Danmark nú í oktober.

17.10 Godset, Kolding


18.10 Tobaksgaarden, Assens

19.10 Culthus, Nykøbing Falster

20.10 Musikforeningen Drauget

 

Trýst á pílin á myndini fyri at síggja og hoyra lagið.

 

 

Tað er danska plátufelagið Songcrafter, ið gevur út lagið og “To Be With You Again” fæst til keyps kring allan heim.

 

Til ber at ogna sær lagið her: https://itunes.apple.com/album/-/id1437050000


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her