Mótsætt Donald Trump vil franski forsetin, Emmanuel Macron, kjakast um Ukraina við Vlademir Putin.
Sýria, Iran og ikki minst Ukraina eru á dagsskránni, tá franski forsetin, Emmanuel Macron, í dag hittir russiska forsetan, Vlademir Putin, í russiska høvuðsstaðnum Moskva.
Tað sigur ónevnd kelda á fronsku forsetaskrivstovuni.
Enn er ikki alt komið upp á pláss, um furndurin verður í Kreml ella á leikvøllinum í Moskva, har báðir forsetarnir verða hjástaddir til HM finaluna í fótbólti.
Hetta er nýggir tónar frá russiska forsetanum, um hann vil kjakast um støðuna í Ukraina.
Í morgin flýgur Vlademir Putin til Finnlands, har hann skal á toppfund við amerikanska forsetan, Donald Trump.
Á hesum fundi er tað strangliga bannað at nevna russisku hertøkuna av ukrainsku hálvoynni Krim í 2014.
Hesum boðaðu bæði Hvítu Húsini og Kreml frá tíðliga í mánaðinum.
– Putin hevur fleiri ferðir lagt dent á, at Krim ikki kann og ikki verður partur á dagsskránni, tá hálvoyggin er fastur lutur av Russlandi, segði Dmitry Peskov, talsmaður forsetans, tá.
Undir ES-toppfundinum í Brússel síðst í juni, gjørdi ES av at leinga búskaparligu tiltøkini ímóti Russlandi við einum hálvum ári sum beinleiðis avleiðing av russiska áganginum ímóti Ukraina.
Tiltøkini raka Russland á økjum sum orku, verju og fígging.
Tey eru ein beinleiðis revsing fyri russisku hertøkuni av Krim-hálvoynni og fyri framhaldandi russisku hóttanum ímóti Ukraina.
Vlademir Putin skal lúka krøvini um vápnahvíld, áðrenn ES kann slaka tiltøkini. Men einki er, sum bendir á tað, halda bæði Emmanuel Macron og týski samveldiskanslarin, Angela Merke.
Umframt Emmanuel Macron verður roknað við, at Putin skal síggja HM-finaluna saman við forsetanum í Kroatia, Kolinda Grabar-Kitarovic, eins og emirinum í Quatar, Tamim bin hamad al-Thani. Qatar verður vertur fyri næsta endaspælinum í heimsmeistarakappingini í fótbólit í 2022.
/ritzau/Reuters