Minst átta persónar doyðu einum eldi í einum fátækrabýi í havnarbýnum Chittagong í Bangladesh í morgun.
Yvir hálvthundrað fólk hava fingið skaða av eldinum, og gott 200 búsataðir eru útbrendir.
Tað upplýsa løgreglu- og sløkkiliðisfólk á staðnum. Orsøkin til eldin verður hildin at vera eitt skammlop í elektrisku skipanini.
Sløkkiliðsfólk upplýsa fyri týsku tíðindastovuni dpa, at fýra av teimum deyðu eru úr sama húski. Hini fýra hava myndugleikarnir ikki eyðmerkt enn.
Eldurin er eftir øllum at døma kyknaður klokkan hálvgum fýra um náttina og kann harvið hava tikið fólkini á bóli.
Bangladesh er fátækt land, har trygdarreglur sjáldan verða hildnar, og hundraðtals fólk doyggja í vanlukkkumá hvørjum ári.
Í 2013 doyðu yvir 1100 starvsfólk á klædnaverksmiðjuni Rana Plaza, tá ein bygningur í níggju hæddum datt saman og jarðaði tey nógv starvsfólkini.
Varapolitiovastin í Chittagong Elias Hossain hevur boðað frá, at orsøkin til brandin verður kannað.
/ritzau/Reuters
Ein eldur í einum havnarbýi í Bangladesh hevur í dag kosta átta fólkum lívið. Í 2013 doyðu yvri 1100 fólk, á ein klædnaverksmiða (myndin) nærindis høvuðsstaðnum Dhaka datt saman, fáar tímar eftir at starvsfólkini vórðu komin til arbeiðis
Mynd: Munir Uz Zaman/Ritzau Scanpix
