Leita á in.fo

Danjal av Rana 10.08.2015 (09:10)

Bjørn á Heygum í nýggjum flokki

Nýtt Sjálvstýri boðar nú frá, at Bjørn á Heygum í Havn, verður valevni fyri flokkin, tá løgtingsval verður.

 

Bjørn á Heygum hevur áður stilla upp til løgtingsval og tá fyri Sambandsflokkin, og var tingmaður í 4 ár.

 

Flokkurin skrivar í tíðindaskrivi, at Bjørn á Heygum millum annað hevur stóran áhuga í sjálvbjargnisstrembanini hjá Føroyum, umframt í fíggjar- og búskaparpolitikki og á vinnuliga og sosiala økinum. Honum dámar eisini væl, at Nýtt Sjálvstýri er ein hóvligur flokkur, og at flokkurin samstundis er grundleggjandi progressivur og nýskipanarsinnaður.

 

Bjørn á Heygum sigur í stuttari viðmerking, at tað er við góðum treysti at hann nú bjóðar seg fram sum valevni fyri Nýtt Sjálvstýri, og hann ferð at leggja dent á varandi menning og framburð fyri alt Føroya fólk.

 

Bjørn á Heygum var fyrstvaldur tingmaður hjá flokkinum, tá hann var valdur á ting í 1994. Hann fekk flest persónligar atkvøður, 646 atkvøður, hjá størsta flokkinum. Hann valdi tó ikki at stilla upp aftur í 1998.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her