Í kvøld verður finalan

Í Wien skínir sólin og spenningur er í luftini, nú finalan í Miss Earth er á skránni.

 

92 Luttakarir eru við, har í millum Turið Elinborgardóttir úr Føroyum, sum umboðar Danmark.

 

Finalan verður í kvøld kl.19.15, í Marx Høllini í Wien í Eysturríki. Hon verður send beinleiðis í 80 londum og til ber at síggja finaluna í kvøld við at trýsta her ella her.

 

Turið Elinborgardóttir hevur verið í Eysturríki síðani 17. novembur, síðani tá hava hon og hinar 91 Miss Earth genturnar verið við í ymiskum tiltøkum, har tær verða eygleiddar og mettar um, hvussu vakrar tær eru innan og uttan. Millum annað hava tær gjørt mat til flóttafólk, planta trø, havt ymiskar verkstovur um umhvørvisvinarlig átøk, umframt at tær hava víst fram tjóðarbúna sín.

 

Út frá øllum hesum átøkunum verður fyrst ein topp 16 listi gjørdur, har eitt krav tó er, at allir heimspartar verða umboðaðir.

 

Miss Earth DK stjórin hevur eisini boðið Lailu av Reyni við sum “med-direktor,” umframt at hon skal presentera ein kjóla, sum hon hevur gjørt og sum Turið er ílatin.

 

Elinborg Johannesen, mamma Turið, er eisini komin til Wien at stuðla dóttrini.

 

Vinnarin verður talskvinna hjá Miss Earth felagsskapinum í eitt ár og fær harumframt 130.000 krónur og hópin av gávum.