Leita á in.fo

Hallur av Rana 07.08.2015 (20:18)

Ferðamannaskip avlýsa vegna grindalógina

Nýggja grindalógin, ið lá til grund fyri dóminum í Føroya rætti móti í dag, har fimm Sea Shepherd limir eru funnin sek í brot á grindalógina, hevur vakt ans í útheiminum.


Týska fyritøkan Aida, ið skipar fyri cruiseferðum, hevur í dag boðað frá, at tað hevur avlýst tríggjar komur til Klaksvíkar seinni í summar.


Í grundgevingini fyri avlýsinga verður víst til tær ítøkiligu broytingarnar í grindalógini, ið vórðu framdar fyrr í summar.


Grindalógin varð fyri fyrstu ferð roynd í Føroya rætti í vikuni, og í dag fall dómur yvir fleiri Sea Shepherd limir, ið eru dømd at gjalda 170.000 krónur fyri brot á lógina. 


At tað er ein smeitur fyri føroyska ferðavinnuni er lítil ivi um, tí umborð á skipunum eru 6.000 ferðafólk umframt manning. 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her