Fokusera bara uppá sólarmyrkingina

TRÝST á PÍLIN undir MYNDINI, og hoyr samrøðu við avstralsku Kate Russo, sum býr í Norðurírlandi. Kate Russo er ein sonevndur "Solar Eclipse chaser" - ein persónur, sum vil síggja so nógvar sólarmyrkingar kring heimin, sum møguligt.

Kate er í Føroyum fyri at hjálpa Visit Faroe Islands og Visit Tórshavn í samband við tey túsindtals ferðafólkini, sum koma til Føroya at uppliva sólarmyrkingina, sum verður um minni enn 14 samdøgur.

Kate undirstrikar, at tað er týdningarmikið, at fólk taka einasta møguleikan, sum býðst í lívum okkara at uppliva eina sólarmyrking í Føroyum. Alt annað eigur at verða lagt til síðis hesa løtuna. Fólk eiga ikki at hugsa um at taka myndir og filma, ella nakað annað. Tað ræður um at fokusera uppá sólarmyrkingina, og tað, sum hendir beint áðrenn. 

Kate hevur bara í einum sinni av 18 møguligum havt ringt veður til eina sólarmyrking. Nú vónar hon, at veðurlíkindini verða góð fríggjamorgunin 20. mars.