Leita á in.fo

Eyðstein Johannesen 09.02.2010 (22:39)

Heðin á Lakjuni til NSÍ

Heðin á Lakjuni váttar fyri portalinum, at avtala er gjørd við NSÍ, og fremstu orsøkina sigur hann vera møguleikan at spæla í fremstu røð.

- Tað er sjálvandi eitt sindur tungt at fara úr KÍ. Men eg eri skjótt 32 ára gamal, og tað er helst avmarka, hvussu nógv ár afturat eg megni at spæla í bestu deildini.

- Í so máta síggi eg tað sum eina góða avbjóðing hjá mær at spæla við NSÍ í Vodafone-deildini í 2010, sigur Heðin á Lakjuni.

Við hesum hevur KÍ sagt farvæl við enn ein av stóru profilunum á liðnum, men Heðin vil tó ikki staðfesta, at hetta er tekin um at menn rýma av eini søkkandi skútu.

- Tað haldi eg ikki. Og eg bæði vóni og vænti, at KÍ heilt skjótt er aftur millum tey bestu, sigur Heðin á Lakjuni.

 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her