Leita á in.fo

Eirikur Lindenskov 14.09.2015 (15:11)

Hesi málini skulu loysast alt fyri eitt

Í samgonguskjalinum hjá nýggju samgonguni millum Javnnaðarflokkin, Tjóðveldi og Framsókn er listi við málum, sum eru so átrokandi, at tey skulu loysast alt fyri eitt.

 

Tíðindafundur er í løgtinginum nú, har samgonguskjalið er undirskrivað og har teir tríggir flokkarnir leggja fram samgonguskjalið. Og har verður millum annað sagt soleiðis:

 

– Vit ásanna, at stór og átrokandi mál skulu loysast í føroyska samfelagnum. Tí fara vit alt fyri eitt undir hesar høvuðsavbjóðingar

 

·      At seta í verk eina nýskipan av fiskivinnuni

·      At fremja broytingar í skattapolitikkinum, so lág- og miðallønt fáa ein skattalætta

·      At geva fólkinum hvi at samtykkja sína egnu stjórnarskipan á fólkaatkvøðu, at fastfrysta ríkisveitingina og taka mál á føroyskar hendur

·      At taka avbjóðingina við aldurs- og kynssamansetingini í álvara við øiløgum í ungdóm, útbúgving, mentan og barnafamiljur.

·      At tryggja langtíðarhaldføran búskap við m. a. búskapargrunni og konjukturjavnandi fíggjarpolitikki.

·      At seta í verk menningarætlan fyri heilsuverkið, sum tryggjar viðgertðir og tænastur á nútímans støði.

·      At gera nýggja pensjónsskipan, sum skal stryggja øllum góða pensjón og samstundis  rætta teir ójavnar og haldføristrupulleiikar, sum komu í við foyrskattingini av pensjónum.

·      At gera íløgur í grøna orku, so Føroyar kunnu gerast sjálvveitandi við varandi orku.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her