Lars Olsen sett liðið

Her ber til at síggja hvørjir teir ellivu eru, sum skulu byrja inni móti Norðurírlandi í kvøld


Mynd: (Hans Erik Danielsen/FSF)

Mynd: (Hans Erik Danielsen/FSF)

Lars Olsen hevur sett navn á teir fyrstu ellivu, ið byrja á vøllinum móti Norðurírlandi. Tríggjar broytingar eru á liðnum síðani dystin ímóti finnum

 

Les eisini: - Ikki heilt rætt um liðið

 

Landsliðsvenjararnir, Lars Olsen og Jóannes Jakobsen hava avgjørt at gera tríggjar broytingar á liðnum síðani dystin ímóti finnum. Pól Jóhannus Justinussen, Atli Gregersen og Jóan Símun Edmundsson eru millum fyrstu ellivu, ið hesaferð fáa møguleikan frá byrjan, skrivar fsf.fo.

 

Les eisini: Atli Gregersen byrjar inni

 

Gunnar Nielsen verður í mál, og í verjuni verða Jónas Tór Næs, Sonni Ragnar Nattestad, Atli Gregersen og Viljormur Davidsen.

 

Les eisini: Fyrsta boð upp á liðuppstillingina

 

Føroyska miðvøllin manna Pól Jóhannus Justinussen, Fróði Benjaminsen, Hallur Hansson, Christian Lamhauge Holst og Jóan Símun Edmundsson. Í álopinum verður Páll Klettskarð.

 

Les eisini: Atli Gregersen stoltur landsliðsspælari

 

Hetta er eisini tað liðið, sum in.fo hevur gitt byrjar inni, hóast Lars Olsen í gjár segði, at liðið ikki var heilt rætt.

 

Føroyar (4-2-3-1)

Gunnar Nielsen – Jónas Tór Næs, Atli Gregersen, Sonni Ragnar Nattestad, Viljormur Davidsen, Fróði Benjaminsen, Hallur Hansson – Pól Jóhannus Justinussen, Christian L. Holst, Jóan Símun Edmundsson – Páll A. Klettskarð