Liljan Weihe: Jørgen hevur hótt okkum fyrr

- Hetta er ikki fyrstu ferð, at Jørgen Niclasen hevur hótt við at stevna okkum. At hann so aftur nú hóttir, beint áðrenn hann skal á fund við baklandið hjá Fólkaflokkinum, taka vit púra róligt, sigur Liljan Weihe, tíðindaleiðari í Kringvarpinum í kvøld.

 

- Hetta er ikki fyrstu ferð, at Jørgen Niclasen hevur hótt við at stevna okkum. At hann so aftur nú hóttir, beint áðrenn hann skal á fund við baklandið hjá Fólkaflokkinum, taka vit púra róligt, sigur Liljan Weihe, tíðindaleiðari í Kringvarpinum í kvøld.

 http://www.in.fo/news-detail/news/tollmalid-sakarmalid-tekur-minst-eitt-ar/

 Les eisini: Tollmálið: Sakarmálið tekur minst eitt ár

 

Jørgen Niclasen hevur í kvøld boðað frá, at hann fyrsta dagin fer at stevna Kringvarpinum og Portalinum fyri ærumeiðing, orsaka av teirra handfaring av tí sokallaða tollmálinum. Men hetta fær ikki Kringvarpsleiðsluna upp úr stólinum. Liljan Weihe sigur í kvøld, at Jørgen Niclasen áður hevur hótt Kringvarpið í samband við tollmálið.

 

 

Kringvarpið sendi fyrsta innslagið um tollmálið miðskeiðis í desember í fjør, og síðani tá hevur landsstýrismaðurin við fíggjarmálum hótt Kringvarpið við stevning, men hevur kortini ongantíð gjørt álvara av hóttanini.

 

 

- Vit trúgva uppá hesar hóttanirnar, tá vit hava fingið fráboðan frá rættinum, sigur Liljan Weihe.

 http://www.in.fo/news-detail/news/joergen-niclasen-stevnir-kringvarpinum-og-portalinum/

 Les eisini: Jørgen Niclasen stevnir Kringvarpinum og Portalinum

 

Eftir seinastu sending um tollmálið vóru røddir frammi um, at Kringvarpið hevði gjørt í so nógv burturúr tónleikinum í sendingini, og í teirra myndum av Jørgeni Niclasen, meðan hann fortaldi eina krøniku. Spurd um hon skilur tær atfinningarnar, sigur Liljan Weihe.

 

 

- Eg skilji, at fólk mugu finnast at onkrum øðrum, tá ið tey ikki kunnu finnast at innihaldinum.

 

 

Hon er vís í, at Kringvarpið á nøktandi hátt hevur lagt fram øll skjøl í málinum, og ræðist tí ikki eina møguliga stevning frá landsstýrismanninum.

 

 

Næstu dagarnir fara so at vísa, um landsstýrismaðurin við fíggjarmálum hesaferð ger álvara av sínum hóttanum um, at stevna miðlarnar fyri ærumeiðing.