Leita á in.fo

Danjal av Rana 18.01.2016 (11:53)

Sambandsflokkurin tvíheldur um Norðlýsið

Um vikuskiftið boðaði Norðlýsið frá, at arvtakarin hjá John William Joensen, sum fór frá sum blaðstjóri um ársskiftið var klárur.

 

Oliver Joensen vildi ikki nevna navnið á viðkomandi, men váttaði, at talan var um ein kendan tíðindamann.

 

Nú tykist tað vera greitt, at talan er um Helga Abrahamsen, fyrrverandi løgtingslim hjá Sambandsflokkinum.

 

Helgi Abrahamsen varð ikki afturvaldur á løgtingsvalinum 1. septembur í fjør og hevur síðani leitað sær eftir einum nýggjum starvi.

 

John William Joensen var formaður í Norðoya Sambandsfelag, so líkt er til, at Norðlýsið heldur fram í sama politiska spori. So er spurningurin, um Helgi Abrahamsen av Strondum megnar at varðveita lokala profilin hjá blaðnum.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her