fyrst og fremst

alt text

Veðrið í dag:

Hiti 8°C

Vindur 7m/s

Leita á in.fo

Dagfinn Olsen 13.09.2018 (21:43)

Nógv hýsa á Føroyabanka, men framvegis lítið av toski

Magnus Heinason er júst liðugur við yvirlitstrolingina á Føroyabanka um heystið, har 29 trolhál á ein tíma verða tikin. Tað var nógv til av hýsu, líka nógv sum metárið 2002 og var hetta hýsa í øllum støddum. Tað var framvegis lítið til av toski.

 

Vanliga fæst bert toskur, sum er yvir 80 cm langur, men í ár var ein partur av toskinum millum 60 og 75 cm langur. Hesin fiskur, sum møguliga er frá 2014-2016-árgangunum, kann møguliga fáa nøgdina av toski (í vekt) at økjast nakað komandi árini.

 

Myndin vísir tað størsta hálið av hýsu hendan túrin, sum var 7,5 tons.

 

Hetta skrivar Havstovan á hav.fo, har túrfrágreiðingin eisini kann lesast.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her