fyrst og fremst

alt text

Veðrið í dag:

Hiti 6°C

Vindur 13.3m/s

Leita á in.fo

Rufus Gifford. Mynd: Ritzau

Hallur av Rana 13.11.2017 (16:35)

Nú er Rufus Gifford valevni

Fyrrverandi amerikanski sendimaðurin í Danmark, Rufus Gifford, stillar upp til amerikansku Kongressina. Tað boðar hann frá í einum nýggjum video. Tað skrivar Ritzau tíðindastovan.


Tað er kongresssessurin í triðja fylkinum í statinum Massachusetts, ið fyrrverandi sendiharrin hevur valt sum fyrsta stig í politisku yrkisleiðini.


- Sum nógv av tykkum, so vaknaði eg skelkaður og hjartabrotin fyri einum ári síðan, tá Donald Trump bleiv valdur, sigur Rufus Gifford í videofilminum.


- Sum ein, ið hevur arbeitt fyri Barack Obama í tíggju ár, er tað ein ræðandi tanki, at søguliga eftirmæli innan heilsuverk, veðurlag og javnstøðu er høtt.


- So eg visti, at stundin var komin at gerast partur av stríðnum. Tí boði eg frá, at eg stilli upp til kongresssessin í triðja fylkinum í Massachusetts.


Rufus Gifford var amerikanskur sendiharri í Danmark frá 2013 til 2017, og hevur vitjað í Føroyum fleiri ferðir. Í Føroyum hevur hann millum annað luttikið í Pride skrúðgonguni. 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her