fyrst og fremst

alt text

Veðrið í dag:

Hiti 10°C

Vindur 14.9m/s

Leita á in.fo

Barbara Holm 03.01.2018 (13:14)

Nú hava 1400 fólk skrivað undir

Seinastu dagarnar hevur tað verið møguligt hjá fólki at skriva undir upp á, at tey stuðla pedagogunum í teirra roynd at fáa betri lønarviðurskifti, nú tey eru í verkfalli. Fólk skriva undir á hesari síðu, undir yvirskriftini Líka útbúgving, líka løn - sjálvandi!

 

 

Í dag klokkan 15.00 er stuðulsgonga á tinghúsvøllinum til frama fyri pedagogarnar. Tað eru foreldur, sum skipa fyri, og hava tey somuleiðis heitt á pedagogarnar um at luttaka, tí tiltakið er góðkent av Pedagogfelagnum. 

 

 

Tað var annars í morgun, at útvið 100 pedagogar aftrat fóru í verkfall. Hesaferð eru tað í høvuðsheitinum tey, sum arbeiða undir Sernámi, sum leggja arbeiðið niður orsaka av lønarósemjuni millum Fíggjarmálaráðið og Kommunala Arbeiðsgevarafelagið øðrumegin og Pedagogfelagið hinumegin. 

 

 

Jógvan Philbrow, formaður í Pedagogfelagnum segði við in.fo í gjár, at als einki samband er millum partarnar, og tí má tað skiljast sum, at tað framvegis er langt millum partarnar. 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her