Nú keypa føroyingar færri persónbilar

Sølan av nýggjum persónbilum higartil í ár er heldur lakari enn sama tíðarskeið í fjør.

 

Tað vísir mánaðrliga uppgerðin hjá Akstovuni.

 

Í fjør vórðu seldir 884 persónbilar fimm teir fyrstu mánaðirnar. Í ár er talið 860 bilar ella sløk 3 prosent lægri.

 

Talan hevur verið um dundrandi framgongd í bilsølutølunum sjey ár ár. Í hesi sjey »feitu« árini hevur vøksturin árliga ligið millum 8,1 prosent, sum hann var í fjør og 31,2 prosent, sum hann var í 2011.

 

Tí er nógv sum bendir á, at marknaðurin er við at verða mettaður. Men enn er frávikið ikki so stórt, at tað sum einki kann javna seg restina av árinum.

 

Vøksturin í søluni av nýggjum persónbilum hevur seinastu árini verið hesin:

 

2016: 8,1%

2015: 11,7%

2014: 16,4%

2013: 26,1%

2012: 28,3%

2011: 31,2%

2010: 18,1%

2009: -44,1%

2008: -31,6%