Leita á in.fo

Barbara Holm 14.05.2018 (13:45)

Nýggja kirkjan á Glyvrum elvir til kjak

Nýggja kirkjan, sum skal byggjast á Glyvrum, elvir til kjak á sosialu miðlunum. Tí í sambandi við, at kommunan broytti byggisamtyktina so at kirkjan kann byggjast á staðnum, eru kjakarar farnir at seta spurnartekin við hesa kirkju. 

 

Summi halda, at upprunaliga tekningin av kirkjuni, sum sæst á heimasíðuni hjá arkitektunum er vøkur og hugnalig. Men á myndini, sum kommunan hevur lagt út, sær hon meira út sum eitt virkið, halda fleiri kjakarar. Kjakast verður á Facebook síðuni hjá Runavíkar Kommunu, umframt aðrastaðni við. 

 

 

Millum annað hetta skriva kjakarar á Facebook: 

 

 

"Um hettar verđur kalla ein kirkja so sigi eg bara " vor herre bevares " .
Stór skom at byggja eina Kirkju sum lìkjist einum industribygningi.. "

 

"Áðrenn eg las tekstin, helt eg hattar var okkurt við egningarskúrðar at gera"


"Líkist meira einum krematorium"

 

 

Tað var á býráðsfundi fríggjadagin, at Runavíkar kommuna samtykti at broyta byggisamtyktina so, at hendan kirkjan kann byggjast á Glyvrum. Møgulig mótmæli og/ella broytingaruppskot skulu verða býráðnum í hendi í seinasta lagi 22. juni 2018.

 

 

Sí myndirnar ávikavist av heimasíðuni hjá arkitektinum sna.fo og myndina frá heimasíðuni hjá Runavíkar kommunu undir greinini her. 

 

Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her