fyrst og fremst

alt text

Veðrið í dag:

Hiti 9°C

Vindur 14.4m/s

Leita á in.fo

Hallur av Rana 10.08.2018 (12:45)

Peter Madsen álopin av samfanga

Ein 18 ára gamal fangi er skuldsettur fyri at hava lopið á 47 gamal dana Peter Madsen. Tað skrivar Ritzau tíðindastovan í dag.


Tað var í Storstrøm fongsli, at Peter Madsen, ið fyrr í ár bleiv dømdur lívlangt fongsul fyri at hava dripið svenska journalistin Kim Wall, bleiv álopin av samfanganum.


- Eg kann vátta, at hann mikudagin bleiv álopin. Eftir umstøðunum hevur hann tað gott. Málið verður kannað av løgregluni, skrivar Betina Hald Engmark, advokatur hjá Peter Madsen, í sms til Ritzau.


Kim Kliver, politiinspektørur, upplýsir fyri DR, at ein fangi er sligin í høvdið og at 18 ára gamli fangin verður skuldsettur fyri harðskap.


Fríggjadagin er tað eitt ár síðan, at Peter Madsen og Kim Wall sigldu út í Oyrarsund við kavbátinum Nautilus. Ein ferð, ið endaði við, at Peter Madsen píndi og drap tíðindakvinnuna fyri síðan at lima hennara lík sundur.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her