Løgreglan fekk í gjárkvøldið fráboðan úr Vestmanna um, at nøkur prutl órógvaðu friðin í bygdini.
Vaktleiðarin visti í morgun at siga, at tey gjørdu eitt rend norður, men tá tey komu til Vestmanna, vóru eingi prutl at síggja.
- Talan var um, at fólk kendu seg órógvað av trimum prutlum.
Prutlini eru við millumbilum ein trupulleiki, tá koyrt verður um kvøldarnar og næturnar, og grannaløg kenna seg órógvað.
- Vit halda, at besta fyribyrgingin móti slíkum er upplýsing, leggur vaktleiðarin aftrat.
