115 hermenn í russisku tjóðarhirðuni hava fingið fótin, tí teir sýta fyri at berjast í Ukraina.
Tað skrivar The Guardian, og norska kringvarpið - NRK - endurgevur tíðindini.
Tjóðarhirðin, sum í Russlandi verður rópt Rosgvardia, er sambært bretsku ávísini kend sum privati herurin hjá forsetanum, Vladimir Putin.
Sambært The Guardian eru hermenninir farnir í rættin við málinum, tí teir vilja hava arbeiðið aftur, sum teir hava mist.
Men, ein lokalur dómstólur hevur víst málinum frá sær, veit bretska ávísin at siga í dag.