Leita á in.fo

Barbara Holm 19.04.2017 (23:47)

Rýmdi fangin: Hann er farin í fjøllini

Løgreglan hevur enn ikki fingið fatur á manninum, sum um 17 mundið rýmdi úr fongslinum í Mjørkadali.

Nøkur spor vóru at ganga eftir fyrstu tíðina, men enn hevur ikki borið á mál.

 

 

 

Løgreglufólk eru á ymiskum støðum nær við Mjørkadal, so at til ber at bera eyga við mannin, um hann skuldi komið aftur á høvuðsvegin.

Hundar eru í fjøllunum og leita eftir manninum, tí løgreglan er av tí fatan, at tað er har hann er farin.

 

 

Les eisini: Løgreglan leitar í mjørkanum: Fangi rýmdur úr fongslinum í Mjørkadali 

 

 

- Tað er mjørki og illveður, so vit fáa illa kalla inn tað stóru mongdina av fólki í kvøld. Tyrlan fær ikki flogið orsaka av veðrinum, sigur vakthavandi á løgreglustøðini í Havn og heldur fram.

 

- Vit hava boða bjarginarliðunum í Tórshavnar og Kollafirði frá, so í morgin tíðliga fara vit út at leita eftir honum við fleiri fólkum, um hann framvegis ikki er funnin tá.

 

 

 

Les eisini: Leita framvegis eftir rýmda fanganum  

 

 

 

Løgreglan heitir nú á fólk um at boða frá, um tey bera eyga við ein mann, sum passar til hesa frágreiðing.

 

37 ár.

Umleið 1.90 m. høgur

Heldur boygdur í bygnaðinum

Er tunnhærdur og hevur “mána”

 

 

Løgreglan hevur 351448

 

Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her