Sámal Petur í Grund stillar upp fyri Framsókn Sámal Petur í Grund stillar upp fyri Framsókn

Fyrrverandi formaður Sjálvstýrisfloksins, Sámal Petur í Grund, verður eitt av valevnunum hjá Framsókn til løgtingsvalið. Hesum boðar flokkurin frá í dag. Við Sosialin í dag sigur Sámal Petur í Grund, at hann hevur meldað seg úr Sjálvstýrisflokkinum fyri stuttum, men at hann hevur ikki tikið avgerð um, hvørt hann fer at atkvøða fyri Sjálvstýrisflokkinum. Men tann avgerðin er tikin nú, tí hann verður valevni fyri Framsókn. Poul Michelsen, formaður í Framsókn, sigur at leiðslan í Framsókn hevði fund í gjárkvøldi, og tá komu tvey valevni aftrat uppá valevnislistan. Tey eru Ruth Vang í Havn og Sámal Petur í Grund í Søldarfirði. Ruth Vang er rødd í 1966 og uppvaksin í Tórshavn, dóttir Ester og Petur Danielsen. Gift Dániali og saman eiga vit 3 børn: Ester (1989), Petur Kristinn (1993) og Hannu (1995) Eftir lokið studentsprógv í 1986, starvaðist eg eitt skifti á útlánsdeild Sjóvinnubankans. Eri útbúgvin ljósmóðir í 1992 á Danmarks Jordemoderskole í Keypmannahavn. Starvaðist sum ljósmóðir á Landssjúkrahúsinum í 13 ár, har av 6 ár sum leiðari á Ljósmøðraskipanini. Starvaðist sum kredittráðgevi í Eik 2005 – 2011. Tók HD-prógv í roknskapi og fíggjarstýring í 2006. Lesi í løtuni cand.merc.aud. á Copenhagen Business School, samtíðis sum eg starvist sum ljósmóðir á Landssjúkrahúsinum. Sámal Petur er royndur í politikki. Hann var fyrstu ferð á politiska pallinum miðskeiðis í 90unum og var virkin heilt fram til 2002. Sámal Petur umboðaði Sjálvstýrisflokkin og var landsstýrismaður tveimum umførum. Síðan 2002 hevur hann fylgt síni yrkisleið sum stýrimaður og skipari.