Leita á in.fo

Danjal av Rana 18.08.2017 (11:47)

Seðlarnir koma um náttúratíð

Grindin, sum legði beinini í Sandagerði í morgun taldi 59 ella 60 hval sigur Jón Johansen, grindaformaður.

 

Tað var klokkan 7 í morgun, at fólk á Argjum sóu eina grind út fyri Tjørnunes á Nólsoy. Um áttatíðina legði hon beinini í Sandagerði.

 

Grindin er nú tikin upp og menn eru farnir undir at merkja teir 59 ella 60 hvalirnar.

 

Finnbogi Midjord, sýslumaður, er staddur í Suðuroy, men kemur til Havnar seinnapartin. Tá verður grindin býtt í drápspartar.

- Vit miða móti at fáa seðlarnar út klokkan 17. Fólk mugu annars fylgja við á heimasíðuni hjá Tórshavnar kommunu, sigur hann.