fyrst og fremst

alt text

Veðrið í dag:

Hiti 11°C

Vindur 6.2m/s

Leita á in.fo

Fimm ísfiskalínuskip og eitt frystilínuskip fiska í grønlendskum sjógvi. Tilvildarliga myndin er tikin umborð á Ågot.

Vilmund Jacobsen 12.06.2018 (20:38)

Seks línuskip í grønlendskum sjógvi

Tvey føroysk ísfiskalínuskip, sum hava fiskað i íslendskum sjógvi, koma heim at landa í vikuni. Skipini hava eina blanding av toski, brosmu og longu.

 

Á Fiskamarknaði Føroya vita tey at siga, at fimm ísfiskalínuskip og eitt frystilínuskip í løtuni fiska í grønlendskum sjógvi, og tey vóna, at okkurt av hesum skipum kemur heim at landa seinast í hesi vikuni.

 

- Línuskipini, sum fiska í grønlendskum sjógvi, fáa mest av toski og so nakað av brosmu, verður lagt aftrat.

 

Tvey ísfiskalínuskip og tvey frystilínuskip fiska í løtuni undir Føroyum. Væntandi kemur annað ísfiskalínuskipið inn at landa fyrst í hesi vikuni, og hitt kemur helst seinast í vikuni.

 

- Skipini, sum fiska undir Føroyum, hava mest av longu og toski og so nakað av hýsu.

 

Á Fiskamarknaði Føroya vita tey eisini at siga, at streymurin verður rímiligur hesa vikuna, og veðri verður gott. Tí vænta tey eisini, at nakað verður av útróðrarfiski.

 

 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her