Leita á in.fo

Albert Finney (Mynd: Ritzau)

Pætur Hjalmar Evensson 08.02.2019 (15:16)

Sjónleikarin Albert Finney deyður

Kendi bretski sjónleikarin, Albert Finney, er deyður. Hann bleiv 82 ára gamal og doyði aftan á at hava verið sjúkur í eitt styttri tíðarskeið, sambært BBC. Tey nærmastu vóru hjástødd.

 

Albert Finney hevði eina langa yrkisleið sum sjónleikari og hevur verið í uppskoti til Oscar-virðisløn fimm ferðir. Hann hevur eitt nú spælt við í filminum 'Erin Brockovich' frá 2000, og so hevði hann høvuðsleiklutin í filminum 'Tom Jones' frá 1963.

 

Hann hevur eisini roynt seg í leiklutinum sum víðagitni detektivurin, Hercule Poirot, í filminum 'Drápið í Orientekspressuni' frá 1974. Í 2012 var hann við í James Bond filminum "Skyfall".


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her